Кина привремено ги суспендираше дополнителните царини за американски стоки за 90 дена. Веста доаѓа откако американскиот претседател Доналд Трамп потпиша извршна наредба со која се продолжуваат постојните царини.
Кинеското Министерство за трговија соопшти дека царината од 10% за американски стоки ќе остане на сила. Во исто време, Пекинг вети дека ќе работи на решавање на нетарифните бариери што го отежнуваат влезот на американските производи на кинескиот пазар.
90-дневното примирје е очекуван исход од неодамнешните трговски разговори меѓу САД и Кина, кои се одржаа во Стокхолм. Доколку не беше постигнат договор, царините можеа драматично да се зголемат – американските царини за кинески стоки ќе скокнеа на 145%, а кинеските царини за американски стоки на 125%.
Ова не е прв пат страните да се согласат на примирје. Претходен договор беше постигнат во мај во Женева, кога тие исто така се согласија на пауза во конфликтот за да продолжат преговорите.
(Kamatica)
