Патувањето понекогаш може да биде стресно. Иако вреди да се поминат неколку заморни денови за да се открие место што може да ни го промени животот, не секогаш бараме таква трансформација. Понекогаш само сакаме одмор што ќе ни помогне да се опуштиме и да се вратиме дома со насмевка на лицето.
За ваквите патници агенцијата за јога патувања BookRetreats го разви Индексот на среќа од одмор. Истражувањето спореди 47 популарни дестинации низ целиот свет според пет клучни критериуми: бројот на сончеви часови, квалитетот на спиењето, здравата исхрана, пристапот до природата и можностите за вежбање, пишува Time Out.
По детална анализа на податоците, португалската престолнина Лисабон го освои првото место како најсреќен град за посетување. Според BookRetreats, Лисабон се издвојува по неколку фактори што придонесуваат за добро чувство, а неговата храна се наведува како посебен адут. Гастрономската понуда на португалската престолнина, богата со здрави ресторани, ја смести на високо второ место во оваа категорија.
Градот е опишан и како компактен и лесен за пешачење, а стрмните улици, кои иако можеби се предизвик после обилен оброк, ви помагаат да останете во форма. Покрај тоа, Лисабон нуди многу зелени површини – речиси четири пати повеќе од Мадрид – и импресивни 2.828 сончеви часови годишно. Накратко, градот постигнува високи резултати во сите аспекти на Индексот на среќа, што го прави јасен победник.
Еден од најстарите градови во Европа, Лисабон, е еден од најстарите континуирано населени градови во Западна Европа. Првите траги од населување датираат од околу 1200 година п.н.е., кога бил населен од Феникијците. После Атина, Лисабон често се наведува како втор најстар главен град во Европа, кој сè уште има статус на главен град денес.
Градот е изграден на седум рида, што го прави неговиот пејзаж исклучително разновиден. Улиците се тесни, стрмни и често поплочени со скали, а градот е познат по своите бројни видиковци – miradouros – од кои можете да уживате во спектакуларни погледи.
Покрај реката и морето – Лисабон е единствениот европски главен град сместен на устието на голема река – Таго – и во непосредна близина на Атлантскиот Океан.
Големиот земјотрес од 1 ноември 1755 година речиси целосно го уништил Лисабон. Реконструкцијата на градот била извршена според планот на маркизот Де Помбал, а резултатот биле првите големи урбани реформи и пионерски обиди за сеизмички отпорна градба.
Топ 5 најсреќни дестинации за одмор во светот се следните:
- 1.Лисабон, Португалија
- 2.Хелсинки, Финска
- 3.Орландо, Флорида
- 4.Атина, Грција
- 5.Единбург, Шкотска
(Index.hr)
(фото: Flickr)
