Според наградите Travelers’ Choice Best of the Best на Tripadvisor за 2025 година, титулата најдобар хотел во светот ја освои луксузниот хотел Secrets Akumal Riviera Maya во Мексико.
Оваа престижна награда е резултат на милиони прегледи и оценки од патници од целиот свет, потврдувајќи го статусот на дестинацијата што им нуди незаборавно искуство на гостите.
Secrets Akumal Riviera Maya се наоѓа на една од најубавите плажи во Мексико – во Акумал, што на јазикот на Маите значи „место на желки“. Овој регион е познат по своето кристално чисто море, бел песок и фасцинантен подводен свет. На гостите им се нуди единствена можност да нуркаат или пливаат со морски желки во непосредна близина на брегот.
Хотелот се издвојува со својот концепт All Inclusive на највисоко ниво. Посетителите уживаат во неколку тематски ресторани, барови и богат избор на интернационална кујна. Велнес и спа центарот, базените со поглед на море, приватните вили и луксузно опремените соби го прават престојот особено удобен и незаборавен. Токму комбинацијата од природна убавина и ексклузивна услуга го издвои овој хотел како светски лидер.
Secrets Akumal Riviera Maya не само што беше прогласен за најдобар хотел во светот. Тој го освои и првото место во категориите најдобри одморалишта со се вклучено и најлуксузни дестинации за релаксација. Овие повеќекратни награди дополнително ја потврдуваат неговата репутација и го позиционираат како водечка точка на луксузен туризам во 2025 година.
Зошто патниците го избираат Акумал? Покрај врвниот сместувачки капацитет, гостите го избираат овој дел од Ривиера Маја поради неговата богата културна и природна понуда. Во близина се наоѓаат мајанските урнатини на Тулум, биосферата Сиан Ка’ан, заштитена од УНЕСКО, и мезоамериканскиот гребен, вториот најголем систем на корални гребени во светот. Сето тоа го прави Secrets Akumal идеална дестинација за оние кои сакаат комбинација од луксуз, авантура и природна убавина.
(B92)
(фото: YouTube)
