Во петокот, Стандард и Пурс (С&П) го намали кредитниот рејтинг на Франција на „А+/А-1“ и ги постави изгледите како „стабилни“.
Меѓународната агенција за кредитен рејтинг нагласи дека, и покрај тоа што нацрт-буџетот за 2026 година беше доставен до парламентот оваа недела, неизвесноста околу јавните финансии на Франција останува висока, јавува агенцијата Анадолу. Таа истакна дека се очекува вкупниот целен дефицит на јавниот буџет за оваа година да биде 5,4 проценти од БДП на Франција, но дека се очекува консолидацијата на буџетот да биде побавна од претходно предвиденото.
С&П соопшти дека се очекува бруто-долгот на општата влада да достигне 121 процент од БДП во 2028 година и забележа дека соодносот бил 112 проценти од БДП на крајот од минатата година.
Агенцијата соопшти дека долгорочните и краткорочните кредитни рејтинзи на Франција се намалени од „АА-/А-1+“ на „А+/А-1“.
Фото – Wikimedia
