Овие мали топчиња кои можете да ги видите на фотографијата и на видеото подолу ќе ја спасат Кенија од целосно губење на шумите. Seedballs Kenya е проект кој овозможува садење на ендемични видови дрвја и трева во посебни капсули. Теди Кинианџуи е соосновач на проектот. Тој го објаснува значењето на дрвјата како извор на храна, како засолниште и како гориво, но исто така како дрвјата ги штитат посевите и растенијата од ветрот и од ерозија на земјиштето. Тоа се сериозен проблем во Кенија, каде што голем дел од земјиштето се претвора во купишта прав.
Семињата кои ги садат низ цела Кенија се сместени во посебни топчиња. Во секое топче има семе обвиткано со школка од јаглен за животните и инсектите да не го изедат семето додека не изрти и не порасне, а тоа се случува за рекорден период од само еден месец. „Од едно топче има потенцијал да израснат други милион дрвја затоа што станува дрво-мајка во една област којашто е премногу експлоатирана и разорена“ вели Теди.
