Ова дрво може да генерира струја и при најслабиот ветар. Почнува да работи и да создава струја при ветар со брзина од само 9 км/ч и произведува струја речиси 300 дена во годината.
Дрвото може да се постави што е можно поблиску до згради за да нема никаква загуба на енергија. Можете да го поставите и во двор, па дури и на покрив и да не се грижите повеќе за сметката за струја.
Дрвото Wind Tree го прави компанијата New World Wind. Има 534 пластични „аеролистови“ и не создава никаква бучава додека работи. Секој од „листовите“ може да работи и на турбулентни и на ламинарни ветрови.
Капацитетот на дрвото е 5.400 вати. Со производството на 2.400 киловат-часови струја со ова дрво ќе се поштеди атмосферата на Земјата од нови 3,2 тони јаглерод диоксид.
Ова е идеално решение за генерирање зелена енергија во центрите на градовите.
(Startup Selfie)
