Во Берлин можете да изнајмите еден квадратен метар земја за да посадите бавча

Во Берлин можете да изнајмите еден квадратен метар земја за да посадите бавча. Миленијалците во Германија се вљубеници во урбаното градинарство и сакаат на одржлив начин самите да одгледуваат зеленчук и овошје за истовремено да можат да избегаат од градскиот живот.
Со децении наназад изнајмувањето мали парцели земја беше популарно кај постарите генерации Германци. Земјата има 1 милион парцели за изнајмување со просечна површина од терен за кошарка. Но, од 2011 година наваму просечната возраст на луѓето кои изнајмуваат земја за бавчи се намали за 5 години.
Половина од парцелите изнајмени во изминатите 10 години се на млади семејства, а се појавуваат и алтернативи за традиционалното изнајмување парцели. Се појавуваат зелени површини на кровови, во дворови од згради и на паркинзи. Малите општински градини како што  е Химелбит овозможуваат изнајмување на мини парцели.
Миленијалците сакаат самите да одгледуваат органска храна без да користат пластична амбалажа и без да се загадува воздухот со транспортот на храната на илјадници километри. За младите возрасни личности денес одржливоста е главен приоритет. Еден од четворица миленијалци би платил 50% повеќе за храна што е одгледана еколошки.
Урбаните градини овозможуваат и бегство од работата и од дигиталниот свет. Научниците докажаа дека градинарството може да не направи поздрави и посреќни. Дури и луѓето кои немаат изнајмено парцела може да се прошетаат низ зелените градини.