Од 2022 година на пивската амбалажа ќе бидат истакнати сите состојки

Здружението на пиварници во рамки на Европската Унија(ЕУ) со потпис на Меморандум се обврза дека од 2022 година, на амбалажата на пивата ќе бидат наведени сите состојки и нивната енергетска вредност. 
Оваа акција е во договор со Европската Комисија. Меморандумот во Брисел го потпишаа 37 потписници, меѓу кои се 25 национални здруженија на пиварници.
Целта е компаниите да преземат јавна одговорност кога станува збор за истакнување на состојките на етикетите на своите производи, а потрошувачите да имаат на увид разбирливи, препознатливи, споредливи и точни информации на налепниците на сите алкохолни пијалаци.
(Instore.mk)