Пад на заработката на главниот извршен директор на „Епл“, Тим Кук

Главниот извршен директор на „Епл“, Тим Кук минатата година заработил 11,6 милиони долари, што е намалување од 15,7 милиони американски долари во 2018 година, поради пониските финансиски перформанси на компанијата.

Основната плата на шефот на технолошкиот гигант се искачи до 3 милиони долари годишно, плус бонуси и различни компензации, покажуваат документите од берзата во САД.

Во фискалната 2018 година, Кук доби бонус од 12 милиони долари, бидејќи неговата компанија   исполни за 200 проценти целите за обрт и оперативни профитни цели. За 2019 година, „Епл“ објави нето приход од 260 милијарди долари и скоро 64 милијарди долари оперативен профит.