Компанијата Smardii од Мајами разви паметни пелени кои го детектираат присуството на урина и измет за децата или ворасните кои патат од инконтиненција за да можат цело време да бидат чисти.
Главниот производ на Smardii е мал бел диск наречен „пак“, кој се прикачува на пелените за еднократна употреба. Сензорот во уредот детектира кога пелената е измокрена, а ја следи и температурата на бебето, детектира абнормалности во урината, па дури и спречува појава на декубитис, така што следи колку долго некој не станал од кревет.
За некои можеби тоа е смешно, но ако појдете во некој старечки дом и со свои очи видите колку малку внимание им се посветува на луѓето, ова е решение за сериозен проблем, изјави основачот на Smardii, Викрам Мехта, CES 2020 во Лас Вегас.
Еден од најчестите проблеми денес кај грижата за старите лица е инконтиненцијата ( неволна загуба на урината низ мочниот канал) – дури 50% од луѓето над 60 години го имаат тој проблем. Сензорот на Smardii комуницира со телефон или таблет преку Bluetooth или се поврзува преку Wi-Fi со Smardii Wi-Fi Gateway Device. Апликацијата им овозможува на родителите или негувателите да следат до 12 пациенти, односно бебиња истовремено.
Исто така, апликацијата ги чува податоците за недели или месеци нананзад за да може да се следат промените во однсеувањето, односно функцијата на телото.
