Она што почна да се појавува во Кина доби потврда во болниците во Европа и во САД. Повеќе мажи отколку жени имаат сериозни проблеми со корона вирусот и меѓу нив има повеќе гојазни отколку слаби, велат професори од Кралскиот колеџ во Лондон.
Досегашните статистики од британскиот оддел за интензивна нега го потврдуваат тој феномен: 73 пациенти се мажи, а 73,4% од нив имаат прекумерна телесна тежина. Освен тоа, кај гојазните мажи е помала веројатноста за закрепнување ако дојдат во критична состојба. Околу 42,4% од пациентите со индекс на телесна тежина помал од 30 оздравеле и се пуштени на домашно негување со споредба со 56,4% од оние со индекс помал од 25.
И на одделите за интензивна нега во француските болници ситуацијата е слична – многу е голем уделот на пациенти со прекумерна телесна теина. На пример, во париската болница Пити Салпетриер три четвртини од заболените се мажи. Слично е и во Њујорк. Се проценува дека 80% од пациентите кои доаѓаат на интензивна нега се мажи.
Зошто машкиот пол е поподложен на корона вирусот? Научниците велат дека е рано да се донесе такв заклучок. Засега тоа е само забелешка и уште немаат објаснување за тоа. Некои експерти мислат дека не е ранливоста на машкиот организам причината за овој феномен туку имунулошката сила на жените. Вродениот имунитет на жените е подобар, особено пред менопаузата, велат научниците.
Тоа е едната теза. Другата теза е дека мажите, едноставно, не се грижат толку за својот организам, меѓу нив има повеќе гојазни, консумираат повеќе алкохол и пушат цигари, па одговорот може да биде комбинација од биолошките предиспозиции и однесување.
Тоа предизвикува голема загриженост во Америка, каде што 42% од возрасната популација се гојазни, според податоците на Центарот за контрола и превенција на болести, од каде што предупредуваат дека меѓу луѓето со индекс на телесна маса повисок од 40 има поголема опасност за потежок облик на болеста предизвикана од корона вирусот.
