Над 10.000 видови на билки и животни се во голема опасност од изумирање поради уништувањето на амазонските прашуми, од кои 35% веќе се исечени или многу оштетени, покажува нацртот на научниот извештај објавен вчера. Извештајот го направи Научното собрание за Амазонија, а опфаќа истражувања на 200 научници од целиот свет за најголемата прашума во светот. Тоа е најдеталната проценка за состојбата на шумата и јасно ја покажува виталната улога која ја има Амазонија за глобалната клима и големите ризици со коишто се соочува.
Пресудно е за помалку од 10 години отсега сечењето и уништувањето на шумата да се сведе на нула, се наведува во извештајот и се повикува на масовно обновување на веќе уништените подрачја. Прашумата е витален бедем против климатските промени поради јаглерод диоксидот кој го апсорбира и поради тој што го складира.
Според извештајот, тлото и вегетацијата во Амазонија држат околу 200 милијарди тони јаглерод диоксид, што е над 5 пати повеќе од вкупната светска годишна емисија на CO2. Понатаму, континуираното уништување предизвикано од човечкото влијание врз Амазонија доведува во опасност од изумирање на над 8.000 ендемски билки и 2.300 животни.
Науката покажува дека луѓето се соочуваат со потенцијално неповратни и катастрофални ризици поради повеќе кризи, вклучувајќи ги и климатските промени и падот на биолошката разновидност, вели професорката Мерцедес Бустаманте од Универзитетот на Бразилија.
Во Бразил се зголеми сечењето на шумите откако десничарскиот претседател Хаир Болсонаро ја презеде улогата во 2019 година. Болсонаро го поттикна рударството и семјоделскиот сектор во заштитените подрачја во Амазонија и ги оислабе агенциите за заштита на природата, што според еколозите и научниците директно резултирало со пораст на разорувањето на шумите.
(Zimo)
(фото: Pxfuel)
