Можете ли да замислите како би изгледало да се направи комбинација од воз и автобус и каде се би можело да оди таквото возило? Сега не мора да замислувате затоа што таквото возило навистина постои. Во саботата во јапонскиот град Каијо во префектурата Токушима беше претставено првото такво возило во светот. Освен што ќе се користи за привлекување туристи, ќе помогне и во транспортот на делови од бродови до тешко достапни делови од земјата.
Проектот се развивал долго време. Потребни биле 10 години за да се реализира. Се прашувате како функционира новото комбинирано возило? Вози со нормални гумени гуми кога е по автопат, но има челични тркала за возење по шини. Тие челични тркала излегуваат од долниот дел на возилото кога е време да се вози по шини. Целата трансформација од автобус во воз се случува за нецели 15 секунди.
Возилото може да собере со 21 патник и да достигне максимална брзина од 60 км/ч по шини и 100 км/ч по пат, а работи со дизел мотор. Достапно е во различни бои и треба да почне со работа по бреговите на островот Шикоку во јужниот дел на Јапонија. Освен поврзување на изолирани региони, возилото ќе овозможи патниците да уживаат во пејзажите.
(Interesting Engineering)
(фото: YouTube)
