Зборот гостилница, доаѓа од старословенскиот збор ‘гост’, што значи странец. Во далечните времиња гостилниците биле наменети на туѓинците, со цел да им понудат храна при нивните далечни патувања.
Тој збор денес ретко се користи, зошто главно доминираат рестораните, а и малкумина прават разлика помеѓу ресторан и гостилница. Ако сакате да посетите гостилница, тогаш ова е вашето место. Утарна е гостилница, сместена во селото Горно Коњско.
Ја води брачниот пар Ирена и Благоја Наумоски и за нив таа е начин на живот. Ирена и Благоја и нивните деца се вклучени во ова приказна.
Тука се готви со локални состојки, нема долго мени во кое ќе се изгубите, има неколку јадења кои во мигот домаќините можат да ви ги понудат.
Ова е редок пример на искуство преку гастрономија, кое дава надеж дека е можно да се примени традицијата во гастрономијата, а токму таа традиција може да биде двигател на развојот на туризмот преку конкретно руралните дестинации. Зошто не е охридскиот крај само Охрид, туку имаме и интересни села кои нудат вакви посебни гастрономски искуства.
Новинарка Љубица Ангелкова
Како и кога започна вашата гостилничарска приказна?
Утарна е скромно отворена пред седум години. И тогаш имаше само четири маси. Денес е само малку преуредена и има вкупно 10 маси. Утарна е скромно отворена пред седум години. И тогаш имаше само четири маси. Денес е само малку преуредена и има вкупно 10 маси, затоа што квалитетно може да се зготви и да се ужива во храната за мала група на луѓе. Идејата беше на мојот сопруг Благоја и да бидам искрена, јас бев против оваа идеја. Живеевме во Охрид, размислував што ќе правиме назад во селото. Инаку и јас и мојот сопруг потекнуваме од селото Горно Коњско, затоа што квалитетно може да се зготви и да се ужива во храната за мала група на луѓе. Идејата беше на мојот сопруг Благоја и да бидам искрена, јас бев против оваа идеја. Живеевме во Охрид, размислував што ќе правиме назад во селото. Инаку и јас и мојот сопруг потекнуваме од селото Горно Коњско.
Што значи зборот Утарна?
Утарна е месноста во селото, токму ова место каде што сега седиме мештаните го викаат Утарна. Логично ни беше, гостилницата да го носи ова име.
Какви беа вашите познавања на угостителството пред да започнете со гостилницата?
Јас долги години работев во угостителство. Тоа е мојата професија. По повеќегодишно искуство и откако одлучивме ова да биде наша иднина, дадов отказ и се посветив на нашата гостилница. Инаку скоро целото семејство се угостители, ќерката дипломира туризам, зетот ни е шеф на кујна. сите членови на семејството сме на некој начин поврзани со угостителство.
Како го осмисливте концептот, за да бидете посебни?
Целта ни беше нашите гости во Утарна да се вратат во старите времиња. Имотот ни е убав, имаме голем двор, нашата куќа е тука, имаме безброј стари предмети од дедо-прадедо, и гостилницата и целото опкружување е асоцијација на старите времиња.
Храната што ја подготвуваме е сезонска, тоа значи дека и менито зависи од тоа што раѓаат нивите, еве вака преносно кажано. Сами месиме леб, сами поткиселуваме млеко, месиме различни локални специјалитети, подготвуваме исто така интересни јадења од месо. Кај нас секогаш има домашен сок, слатко, ако е зима печена тиква, ако е лето некое убаво домашно благо.
Кој беше Ваша поддршка полесно да стигнете до она што сте денес?
Освен семејството, добивме поддршка и од две други страни. Воведовме HACCP со поддршка на GIZ, а со влегувањето во Slow Food Macedonia, добивме знаење и некои финеси во нашето работење, кои беа многу значајни за тоа како да се форматираме и како да создадеме автентичен туристички производ. Истакнатиот квалитет, локалните состојки во преден план и свежината на истите, значи само сезонски производи се нашиот главен фокус, благодарение на тие стекнати искуства.
Кои се вашите гости?
До пред ковид кризата, главно беа странци кои читале за нас по некои странски форуми. Доаѓаат и амбасадори и јавни личности од политика и естрада. Нашите домашни гости доминираа за време на ковидот.
Сакаме гости кои го ценат она што го правиме и тука не доаѓаат за луксуз. Туку за искуство преку гастрономија кое ќе ги наварти на корените. И добро е да има повеќе вакви приказни.
Охридскиот крај, со децении фигурира на туристичката мапа, по својата историја, убавина, необичните места….но она што особено фали тука е брендирање на локалната гастрономија како рецепт за успех.
