Во март минатата година кинеското летало без екипаж Tianwen-1 стигна до Марс, каде што спушти роботско летало кое веднаш почна да ја истражува Црвената планета. Другата компонента на Тianwen-1, орбитерот, продолжи да кружи околу планетата и досега направи повеќе од 1.300 кругови околу Марс, при што ја фоторграфираше целата површина.
Според последните информации на државните медиумски агенции, кои ги пренесе Reuters, Tianwen-1 направил фотографии од целиот Марс, вклучувајќи го и јужниот пол. Токму на тој дел од планетата, под заледената површина, се наоѓаат залихи на вода, кои ги откри сонда на Европската вселенска агенција во 2018 година.
Лоцирањето на водата под површината е клучно не само за откривање на потенцијален живот на Марс, туку и за некои идни потенцијални човечки мисии на планетата, кои вклучуваат подолготраен престој.
Освен фотографии од јужниот пол, благодарение на леталото Тianwen-1 направени се и фотографии од 4.000 км долгиот кањон Валес Маринерис и кратерот Арабиа Тера на северниот дел од планетата. Исто така, леталото на Земјата испрати и фотографии од кратерот Маундер во висока резолуција, како и од големиот вулкан Аскреус Монс, висок дури 18 км.
(Reuters)
(фото: Flickr)
