Здружението на бизнис жени во рамки на проектот„ Заедно за успех: млади претприемачи, движечка сила за добри меѓуетнички односи “, финансиран од Европската Унија преку програмата ИПА – Инструмент за граѓанско општество и медиуми 2014, заедно со локалната граѓанска организација „Преродба“ од Кичево, започнува заеднички подпроект „Економска инклузија на младите ромки во општина Кичево“, со кој се очекува јакнење на проектната приоритетна област – интегрирање на претприемачи од немнозински етнички заедници во програми за поддршка и вмрежување.
Во активностите ќе бидат вклучени учеснички од општина Кичево и околината, млади жени ромки, од урбано и рурално подрачје, со различна образовна структура и возраст, невработени и вработени, самовработени или со бизнис идеја за започнување на сопствен бизнис.
Првата активност започна минатата недела, во четвртокот на 13ти април, со воведно истражување преку организирана фокус група со младите жени ромки, во присуство на пратставници од Општина Кичево и медиумите, и секако од Здружението на бизнис жени и Здружението за развој и интеграција на млади роми и ромки „ПРЕРОДБА“. Преку ова квантитативно и квалитативно истражување, ќе се добијат првични информации и перцепција за состојбата на младите ромки од општина Кичево, препреките и предизвиците со кои се соочуваат, за соодветно да се конципираат обуки и работилници за надминување на воочените проблеми, но и за формирање на ставот во дијалогот со институциите, бизнис заедницата и ГО за понатамошна заедничка соработка и поддршка на младите ромки за самовработување и претприемништво.
Податоците од ова истражување преку одржана фокус група се неопходни и ќе бидат искористени при согледувањето на реалните состојби, како и за квалитетно содржинско планирање на следните активности во рамки на проектот.
http://www.inovativnost.mk/ekonomski-vklucuvanje-na-mladite-romki-vo-opstina-kicevo/
