Од ова лето нова авио линија од Охрид до Мастрихт

Холандскиот авиопревозник Corendon, од ова лето, ќе воведе сезонска авиолинија од Охрид до градот Мастрихт, во југоисточна Холандија, пишува МИА.

Летовите ќе започнат да се реализираат од 6 јули. Оваа авиокомпанија веќе има воспоставено сезонски лет од Охрид до Амстердам.

Двете линии се наменети за холандскиот туристички пазар, а билетите ќе се продаваат како дел од туристичките пакети. Од Општина Охрид велат дека се очекува уште неколку авиооператори меѓу кои „Brussels Airlines“, „Nordica“ и „TUIfly“да ги објават новите летови до Охрид што ќе се реализираат од ова лето.