HP jнеделава го претстави својот најнов печатач Metal Jet, 3Д печатач за метал, чија цена изнесува околу 400.000 долари и кој би можел да го смени начинот на кој се произведуваат предмети од метал во многу индустрии. Една од компаниите кои ги препознаа напредните можности кои ги носи печатењето нa овој начин, како што се брзината, едноставноста и ефикасноста, е и Volkswagen.
Германската автомобилска компанија најави дека за масовно производство на делови за автомобили ќе ја користи технологијата на HP за печатење со метал. Од VW велат дека нема скоро да почнат со производство на цели возила со 3Д печатач, но со тек на годините ваквите уреди ќе произведуваат се повеќе делови за автомобили.
Голема предност на овој начин на производство, според шефот за технолошко планирање и развој, Мартин Геде, е можноста за производство на посебни делови без потреба од правење алати со кои би се направиле деловите, пренесува Zimo.
Ова нема да биде прв пат 3Д печатачите да се користат за производство на делови за автомобили – досега овој начин на печатење најчесто се користеше за прототипови и за индивидуални компоненти, а Volkswagen би почнал со 3Д печатење на делови за 2-3 години. Инаку, за производство на еден автомобил на VW се користат до 8.000 делови, а во нивните фабрики се користат 90 печатачи за правење заменски рети делови за возилата.
