Предизвикот #trashtag се состои од правење фотографии од места кои се загадени и преполни со отпад пред и по чистењето. Тој што ја прави фотографијата е тој што го чисти местото. Facebook корисникот Бајрон Роман е тој што го почна трендот со вирален пост.
Потоа луѓето се инспирираа да учествуваат во #TrashTag предизвикот и почнаа да споделуваат фотографии од нив самите како собираат ѓубре од некои локации каде што има многу отпад. Хаштагот #trashtag и целиот концепт, всушност, датираат од 2015 година од натпреварот наречен „The Trashtag Project” спонзориран од компанијата за надворешна опрема UCO (Utility, Comfort and Originality).
Натпреварот се состоел од тоа луѓето да објавуваат фотографии од нив самите како собираат ѓубре и да учествуваат во наградна игра и да добијат шанса да освојат надворешна опрема. Благодарение на учеснциите во предизвикот TrashTag планетата Земја и Интернетот стануваат обединети.
