Индонезија го сели главниот град среде џунглата на островот Борнео

Џунглата на источниот дел на островот Борнео ќе биде претворена во нов главен град на Индонезија. Оваа одлука беше донесена поради загриженоста за загушеноста и тонењето на политичкиот центар Џакарта.
Предложената локација е во близина на релативно неразвиените градови Баликпапан и Самаридна, далеку од гужвата на финансискиот центар, кој претставува главен град уште од 1949 година. Претседателот Видодо призна дека преселувањето на главниот град на островот ќе бде огромен и скап процес.
Бреата експазнија на Џакарта последните години предизвика загриженост за околината, економијата и безбедноста на населението, а тоа ја натера владата да го побара решението во преселба на оваа огромна метропола.
„Како голема нација, која е независна веќе 74 години, Индонезија никогаш не го избрала сопствениот главен град. Товарот кој го носи Џакарта е преголем со оглед на тоа дека тој град истовремено е владин, бизнис, финансиски, трговски и услужен центар“ изјави претседателот.
Амбициозниот проект за преместување на главниот град веројатно ќе чини околу 34 милијарди долари, а според најавите, можно е проектот да потрае и 10 години. Според податоците на Обединетите нации, Џакарта е дом на повеќе од 10 милиони жители, а во поширокото градско подрачје има 30 милиони, што го прави еден од најнаселените градови во светот.
Споиред податоците, пак, на Светскиот економски форум, тој е и еден од градовите кои најбрзо тонат, а Јаванското Море се спушта со алармантна брзина поради претераното и неконтролирано црпење на подземните води, поради растот на нивото на морињата и се поекстремните временски прилики. Градот се наоѓа на мочуришно тло и е склон на поплави, а има проблем и со се поголемо загадување на воздухот поради густиот сообраќај.
Новата локација на главниот град уште нема име, а преселувањето треба да започне во април идната година.