Асистентите кои работат со вештачка интелигенција се се попопуларни во светот и луѓето се почесто разговараат со Siri, Alexа и со Google Аѕsistаnt, кои им помагаат во секојдневните активности. Студентите од Факултетот за организација и информатика во Вараждин исто така имаат помош од вештачка интелигенција и асистентка која можеби не е толку паметна како асистентите на Google или Amazon, но одлично ја врши својата работа. Името и е Barica.
Barica, односно B.A.R.I.C.A. е акроним за Beautiful Artificial Intelligence Cognitive Agent (Убав когнитиверн асистент со вештачка интелигенција). Станува збор за агент за вештачка интелигенција кој го разви тим од научници и студенти од Факултетот на чело со професорот Маркус Шатен. Со Baricа не можете да разговарате за времето во Вараждин и не може да ви ја каже програмата на ТВ или да ви чита дневни задачи од календарот, но значи сосема доволно за да ги извести професорите и студентите од Факултетот за училниците во кои се предавањата, кабинетите на професорите и општо за распоредот на предавањата.
Како што пишува на страницата на Факултетот за организација и информатика, B.A.R.I.C.A. одговара на прашањата „Кажи нешто за ФОИ?“, „Каде е салата бр.X?”, „Каде се наоѓа канцеларијата на професорот/професорката?“ и „Можеш ли да го провериш распоредот на предавања?“.
B.A.R.I.C.A. не е замислена како комерцијално продукциско решение, туку како proof of concept апликација, а нејзиниот креатор Маркус Шатен е раководител на лабораторијата за вештачка интелигенција ја имплементираше визијата за системот и ја одржува со помош на систем за вештачка интелигенција. Идејата за Baricа ја добил кога држел предавање за вештачка интелигенција на една конференција и некој колега го прашал да направи четбот, односно аватар со кој би можел да раговара во текот на конференција.
Иритиран од фактот дека не постои таков систем кој работи доволно добро на хрватски јазик, одлучил да се обиде сам. Еден непроспиен викенд подоцна и се родила B.A.R.I.C.A.. Шатен објаснува дека иако многу европски училишта вoведуваaт четботови во наставните процеси, тие никогаш нема да можат да ги заменат универзитетските асистенти, но затоа можат да ги олеснат и да ги подобрат секојдневните обврски и задачи.
На Факултетот размислуваат долгорочно за различни начини на примена на B.A.R.I.C.A. како прилагодување за музеи, но и во бројни други ситуации кога постои потреба од презентирање на некакви информации како во туризмот.
