Живееме во време на најдобра технологија каде што најголем дел од работите ги работиме или ги читаме на екран. Станува минато работењето без компјутер, а комуникацијата се сведува на мобилни телефони, паметни часовници и таблети. Тоа има сериозни последици на денешните млади луѓе.
Некои училишта во Велика Британија одлучија да ги тргнат аналогните часовници од училниците и да ги заменат со дигитални затоа што учениците не знаат да го прочитаат времето од аналогните.
Учениците помали од 18 години ја познаваат само модерната технологија. Професорите изјавуваат дека сакаат учениците да бидат опуштени во текот на анставата, а аналогните часовници им создаваат стрес. На пример, во текот на тестови или испити не знаат колку е часот и уште колку време им останува за да го решат тестот. „Училиштата прават се за и најмладите ученици да се чувствуваат што поудобно. Подобро е да имаме дигитални часовници затоа што на учениците им е полесно да го прочитаат времето на нив“ додаваат тие.
Во 2018 година Сели Пејн, педијатар, откри дека на децата им е се потешко да ги држат моливите и пенкалата во рака затоа што секојдневно користат технологија наместо пенкала. „За да држат молив потребно е да имаат контрола врз мускулите на прстите. На децата им треба многу време за да ја развијат таа вештина. На родителите им е полесно да им дадат таблет отколку да ги поттикнат да учат да си играат сонкоцки, да сечат хартија, да врзуваат јаже итн. Поради тоа тие не развиваат вештини како што е држењето молив во рака“ вели Пејн.
