Амазон годинава ќе вработи 5.000 нови работници во Германија

Амазон денеска соопшти дека годинава планира да ангажира 5.000 нови вработени во Германија. Новите вработувања ќе ја зголемат нејзината работна сила во земјата за повеќе од една петина – од 23.000 на 28.000, соопшти компанијата од седиштето во Минхен.

Амазон бара вработени за своите центри за испорака, како и за одделите за маркетинг, финансии и истражување. Компанијата не го одреди точниот број на работни места во секој оддел.

Во Германија, компанијата работи со четири центри за истражување и развој во Ахен, Берлин, Дрезден и Туебинген.

Амазон е во пораст секаде во светот. На крајот на декември, скоро 1,3 милиони луѓе работеа за компанијата на глобално ниво.