Мисијата Inspiration4 на SpaceX полета вчера од вселенскиот центар Кенеди на Флорида. Таа мисија е првата туристичка орбитална мисија во светот. Ракетата на SpaceX висока 60 метри беше лансирана со четворица луѓе во орбитата на Земјата.
Мисијата е првата орбитална мисија во историјата на човештвото каде што екипажот е составен само од туристи, односно луѓе кои не се астронаути. Како што пишуваат светските медиуми, тоа го означи почетокот на ерата на вселенски патувања за обичните луѓе.
Во текот на тридневното патување во капсулата Crew Dragon планетата ќе се обоколува секои 90 минути и ќе се видат неверојатни панорамски глетки. Туристите поминаа шестмесечни обуки пред да тргнат на патување.
Меѓу патниците се: 38-годишниот милијардер Џаред Ајзакман, кој лично го финансира патувањето; Хејли Арсено, 29-годишен асистент доктор; 51-годишниот геолог и професор на факултет Сиан Проктор и 42-годишниот Локхид Мартин, долгогодишен љубител на се поврзано со вселената.
(CNN)
(фото: SpaceX)
