Вкупно шест научници од Македонија се најдоа на престижната листа на „Стенфорд“ за најдобри научници на сите времиња. На кумулативната листа за најдобри топ два проценти научници на сите времиња (од сите области) се рангирани Љупчо Коцарев (МАНУ), Леонид Грчев (МАНУ), Валентин Мирчески (Институт за хемија, ПМФ, УКИМ, Скопје), Рубин Гулабоски (Факултет за медицински науки, УГД Штип) и двајца пензионирани професори, Трајче Стафилов (Институт за Хемија, ПМФ, УКИМ, Скопје) и Иван Грозданов (Институт за хемија, ПМФ, Скопје).
Пред еден месец е објавена една од најшироките студии за рангирање на топ два проценти најдобри светски научници од сите области, од автори од Универзитетот Стенфорд, САД.
За календарската 2020 година (рангирани во 2021 година), во топ два проценти највлијателни светски научници од Македонија се рангирани: Љупчо Коцарев, Леонид Грчев, Рубин Гулабоски, Рамадани Веланд (Универзитет на Југоисточна Европа Тетово), Кимет Јусуфи (Државен Универзитет Тетово), Биљана Бауер (УКИМ Скопје) и Биљана Ристеска Стојкоска (ФИНКИ, УКИМ).
Ова е голем успех и достигнување за овие научници, но е гордост и за цела Македонија.
