Твитер соопшти дека споделувањето слики или видеа на приватни лица без нивна дозвола сега е против нивните политики и може да се отстранат на нивно барање, пренесува BBC.
Новото правило е продолжување на политиките за забрана на „доксинг“ – објавување приватни информации како домашни адреси, без согласност.
Сепак, критичарите велат дека правилото е премногу широко и може да биде „искористено за намерно да се задуши слободното изразување на платформата“. Но, од Твитер соопштија дека ќе го разгледаат контекстот во кој се објавуваат сликите.
На пример, треба да се земе предвид дали сликата е јавно достапна, на веб-страниците за вести или „ако одредена слика и придружниот текст на твитот додаваат вредност на јавниот дискурс, се споделуваат во јавен интерес или се релевантни за заедницата “.
Пред да се отстранат сликите или да се преземат мерки, велат од Твитер, мора да биде известено од „поединците кои се изложени или од овластен претставник дека не се согласиле да се споделува нивната приватна слика или видео“.
Од компанијата соопштија дека има за цел да спречат користење на слики и видео за „малтретирање, заплашување и откривање на идентитетите на приватни лица, што несразмерно влијае на жените, активистите, дисидентите и членовите на малцинските заедници“.
Твитер рече: „Сликите/видеата што покажуваат луѓе кои учествуваат на јавни настани – како протести од големи размери, спортски настани итн. – генерално нема да ја прекршат оваа политика“.
И тоа „не е применливо за медиуми со јавни личности или поединци кога медиумите и придружниот текст на твитот се споделуваат во јавен интерес или додаваат вредност на јавниот дискурс“. Јавна личност може да вклучува секој за кој се пишува во медиумите, избрани функционери и политички лидери, познати личности, врвни директори, радиодифузери и репортери и други јавни говорници, објави Твитер.
Политиката исто така нема да важи за поединци кои се предмет на јавни разговори онлајн или офлајн.
Извор – Radio MOF
Фото – Pixabay
