Њујорк остана најголемиот финансиски центар во светот, додека Лондон ја задржа втората позиција, иако има силна конкуренција од Синагопур и Хонгконг, покажа Global Financial Centres index.
Њујорк ја држи челната позиција од 2018 година и годинава останува на врвот со 763 поени базирани на истражување на 147 фактори во 121 центар добиени од трети страни, вклучувајќи ги Светска банка, ОЕЦД и Обединетите нации.
Лондон малку го намали јазот кој го дели од Њујорк со вкупно 744 поени, што е олеснување за многумина кои беа загрижени дека ќе трпи последици после Брегзит, кога многу компании како британскиот дизајнер на чипови Arm Holdings одлучија да се префрлат во Њујорк.
Сингапур, пак, е само 2 поени зад Лондон (742) и само еден поен пред Хонгконг, кој е на четврта позиција. Оваа ситуација само навестува дека можеме да очекуваме жестока битка за втората позиција на индексот идната година.
Индексот се мери секои шест месеци од страна на лондонскиот тинк тенк Z/Yen и Кинескиот институт за развој.
(Reuters)
(фото: Wikimedia)
