НАСА објави детални фотографии од 19 спирални галаксии, кои би можеле да го прошират нашето знаење за еволуцијата на ѕвездите. Фотографиите ги направи телескопот James Webb, а ги анализираат научници од Универзитетот Оксфорд, пренеусва BBC.
Телескопот, кој беше лансиран пред две години, е опремен со инструменти кои овозможуваат да се детектираат постари и пооддалечени објекти од оние кои можел да ги сними телескопот Hubble.
Камерите на телескопот James Webb го снимаат универзумот примарно со инфрацрвени камери така што ја регистрираат светлината невидлива за човвечкото око.
„Извонредните фотографии на астрономие и на астрофизичарите ширум светот ќе им дадат нови елементи во сложувалката на универзумот и галаксиите“ велат од Универзитот Оксфорд.
Томас Вилијамс, истражувач на Катедрата за физика при универзитетот, го предводи проектот за обработка на податоците од најновите фотографии.
„Количината детали на овие фотографии е огромна и тоа е добро. Тоа значи дека можеби ќе најдеме нешто за да ги пополниме празнините во знаењето за структурата и еволуцијата на галаксиите, формирањето на ѕвездите, нивниот животен циклус итн.“ вели Вилијамс.
(021)
(фото: NASA)
