Социјалната мрежа Instagram додаде нова функција во апликацијата блгодарение ан која корисниците ќе можат да ги уредуваат испратените пораки, но оваа опција ќе биде достапна само 15 минути после испраќањето.
Досега корисниците на Instagram не можеа да ги поправаат грешките, туку мораа да ги избришат пораките и повторно да напишат. За да ја измените испратената порака сега треба само да држите со прстот над неа и да почекате да се појави скокачко мени, од кое ја избирате опцијата „уреди” (edit), велат од Meta. После измените пораката ќе биде означена како „уредена” (“edited”).
Платформата WhatsApp, која исто така е под чадорот на компанијата Meta, уште минатата година ја доби опцијата за уредувањр на пораките откако че бидат испратени, а времето за менување на истите е 15 минути.
(021)
(фото: PixaHive)
