Милењето дали треба да се поместува часовникот напред или назад, а едно ново истражување покаќа дека сегашниот систем е лош за нашиот сон и го отежнува регулирањето на нашите деноноќни ритми, кои се под влијание на нивото на дневна светлина.
Имено, членовите на Британското друштво за спиење (БСС), професионална организација за медицински, научни и здравствени работници, рекоа дека доказите јасно покажуваат дека природната дневна светлина наутро е најдобра за задржување на навиките за спиење.
Здружението издаде соопштение во Journal of Sleep Research, во кое се вели дека силно се препорачува централното време по Гринич (GMT) да трае во текот на целата година.
Ова може да биде изненадување, имајќи предвид дека претходните дискусии за промена на нашиот систем на сметање на времето се фокусираа на трајно поместување на летниот распоред за да се дадат повеќе часови дневна светлина во вечерните часови.
Пред пет години, се сметаше дека ова е неизбежна промена откако Европскиот парламент гласаше за укинување на обичајот за менување на часовниците двапати годишно.
Но, истражувачите за спиење тврдат дека деноноќниот ритам – физичките, менталните и промените во однесувањето што ги доживуваме во текот на 24 часа – најмногу се под влијание на часовниците што се движат напред во пролет, кога губиме светлина наутро. Изјавата доаѓа од академици од целото Обединето Кралство, предводени од д-р Меган Крафорд од Универзитетот во Стратклајд, д-р Ева Винебек од Универзитетот во Сари и професорот Малколм фон Шанц од Универзитетот Нортамбрија.
Професорот Фон Шанц рече дека централното врме според Гринич тесно се усогласува со природните циклуси светло-темно на денот и ноќта и „природната дневна светлина наутро е клучна за одржување на оптимално усогласување на часовниците на нашето тело со денот и ноќта, што е од суштинско значење за оптимален сон и за целокупното здравје“.
Тој додава: „Враќањето на постојаното стандардно време би значело дека нашите часовници ќе бидат тесно усогласени со сончевото време и додека тоа би значело порано зајдисонце во лето, ќе има дополнителни придобивки за здравјето од подобрувањето на спиењето и деноноќното усогласување поради зголемената изложеност на утринска сончева светлина од есен до пролет.’
Д-р Винебек рече: „Она што често не го сфаќаме е дека летното сметање на времето ги менува нашите распореди, поместувајќи ги за еден час напред додека дневната светлина останува иста. Тоа не принудува сите да станеме и да одиме на работа или на училиште еден час порано. Во сезони со помалку дневни часови како сега на есен, тоа значи дека повеќето од нас треба да станат и да патуваат во темница.’
Д-р Крафорд вели дека постои погрешна идеја од перспектива на спиењето и деноноќното здравје дека часовниците треба трајно да се движат напред: „Утрата се времето кога нашите телесни часовници имаат најголема потреба од светлина за да останат синхронизирани“.
(Metro.co.uk)
(фото: Pxhere)
