Samsung Electronics Co., Ltd. денеска ја објави достапноста и малопродажните цени на новата линија телевизори и soundbar уреди за 2025 година. Презентирана на саемот CES 2025, новата линија интегрира напредни AI технологии за да понуди неспоредливо и уште поперсонализирано забавно искуство за гледачите и слушателите.
Револуција во телевизијата со Samsung Vision AI
Линијата телевизори на Samsung за 2025 година воведува револуционерни иновации во квалитетот на сликата и паметните функции. Поддржани од Samsung Vision AI, најновите телевизори на Samsung го носат искуството на гледање на следното ниво. Напредните AI технологии ги анализираат содржините и околината за автоматски да го прилагодат прикажувањето на сликата за оптимално гледање.
Samsung исто така воведува подобрена Glare-Free технологија кај избрани модели, која ги минимизира рефлексиите, задржувајќи ги подлабоките црни бои и јасните слики, дури и во силно осветлени простории. Со користење на нов материјал, анти-рефлексивните својства се значително подобрени, така што можете оптимално да уживате во убавата слика, без разлика на светлината на екранот. Glare-Free технологијата сега е додадена и на избрани Neo QLED и OLED модели.
Аудио перформансите на новите телевизори се исто така значително подобрени со Adaptive Sound Pro, технологија која комбинира аудио базирано на објекти со AI за да создаде импресивно и просторно- звучно искуство. Во комбинација со најновите Soundbar уреди на Samsung, кои беспрекорно се интегрираат со телевизорите преку Q-Symphony, се гарантира невидено хармонично и моќно звучно искуство.
Линијата телевизори за 2025 вклучува широк спектар на технологии и дизајни, вклучувајќи:
• Neo QLED 8K: Со напредна Quantum Matrix технологија и Ultra Viewing Angle технологија за невидено ниво на детали и контраст.
• Neo QLED 4K: Одличен баланс помеѓу квалитетот на сликата и вредноста, со моќни процесори и светли, живописни бои. Новите Neo QLED 4K телевизори сега исто така имаат Glare-Free технологија, подобрен процесор и побрза стапка на освежување.
• OLED 4K: Достапни во различни модели (S95F, S90F, S85F) со супериорни црни нивоа, широк спектар на бои и сега со уште повисок врв на светлина и намалени рефлексии кај најдобрите модели.
• QLED 4K: Светли бои и одличен агол на гледање.
• Crystal UHD: Чиста 4K резолуција и живописни бои по атрактивна цена.
• The Frame: Стилски ТВ уред кој беспрекорно се вклопува како уметничко дело во секое внатрешно уредување кога не е вклучен. The Frame исто така има пристап до Art Store давајќи им на потрошувачите пристап до повеќе од 2500 уметнички дела од некои од најпознатите музеи и уметнички галерии низ светот.
Нова линија звучници Soundbar: дизајн со супериорно аудио искуство
Новата линија на звучници Soundbar на Samsung е дизајнирана да работи во синхронизација со новите телевизори и да создаде импресивно аудио искуство. Врвните модели, како HW-Q990F и HW-Q930F, нудат тридимензионален звук со поддршка за Dolby Atmos и DTS:X, давајќи му на аудиото искуство од следната генерација. Компактниот сабвуфер со двојни активни драјвери на HW-Q990F обезбедува длабок и моќен бас без вибрации.
AI-поддржаната оптимизација на звукот, како Q-Symphony и Dynamic Bass Control, ги анализира акустиките на просторијата и содржината која се репродуцира, автоматски оптимизирајќи го звукот за јасна, балансирана и просторна репродукција и разбирлив дијалог.
Со својот слим, модерен дизајн и адаптивна форма, Soundbar QS700F беспрекорно се вклопува во секоја просторија, благодарение на новиот конвертибилен дизајн; комбинира елегантна естетика со висококвалитетен звук за оние кои не сакаат да прават компромис со стилот или перформансите.
Достапност и малопродажни цени
Линијата за AV уреди за 2025 година е достапна кај овластени трговци и онлајн. За повеќе информации и детали за цените посетете ја страницата samsung.mk.
Со оваа нова линија Samsung повторно го поставува стандардот за домашна забава – покомплетна, поубава и повеќе импресивна од кога и да е
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, полуспроводниците и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести од Samsung прочитајте на https://www.samsung.com/mk/news/.
