Најновата летна листа за читање, наменета за богатите, оваа година вклучува наслови за среќа, издржливост, вештачка интелигенција и иднината на американскиот долар. Годишната летна листа за читање на JPMorgan, која стана задолжително четиво за богатите и успешните, содржи 16 наслови оваа година – од водичот за кариера на Сузи Велч и размислувањата на Мелинда Френч Гејтс за животот и филантропијата до предвидувањата на извршниот директор на Palantir, Алекс Карп за вештачката интелигенција и дебатата на Кенет Рогоф за доларот.
Списокот, кој се објавува веќе 26 години, беше составен од повеќе од 1.000 предлози од советниците на клиентите на JPMorgan, а потоа беше стеснет од специјален комитет.
„Овогодинешниот список е фокусиран на моќта на љубопитноста. Можете да го погледнете од лична перспектива, но и од перспектива на трансформација“ рече Дарин Одујоје, директор за комуникации за одделот за управување со богатство и имот на JPMorgan, кој ја надгледува листата.
Одујоје додава дека списокот го составиле и семејните канцеларии, приватните инвестициски фондови на богатите семејства и дека многу од нив ја нагласиле потребата да се води следната генерација наследници.
Со оглед на тоа што се очекува да бидат префрлени повеќе од 100 трилиони долари од постарите генерации на нивните сопружници и деца, образованието и подготовката на наследниците станаа главен приоритет.
„Слушнавме јасно од нашето истражување за семејните канцеларии дека вредностите се исклучително важни за новата генерација“, рече тој.
„Додека размислуваат за тоа кои ќе бидат идните лидери во семејните бизниси и совети, тие сакаат да се уверат дека тие луѓе се подготвени. Се работи и за психолошкиот пристап, како да се балансира не само богатството, туку и влијанието што можете да го имате во вашата заедница и бизнис“, пишува CNBC.
Покрај 16 книги (што е повеќе од претходните години, кога ги имаше 10), овогодинешната летна листа содржи и предлози за летни активности.
Ова е целосната листа со книги:
-Life in Three Dimensions: How Curiosity, Exploration, and Experience Make a Fuller, Better Life – Шигехиро Оиши
-Becoming You: The Proven Method for Crafting Your Authentic Life and Career – Сузи Велч
-Reset: How to Change What’s Not Working – Ден Хит
-The Next Day: Transitions, Change, and Moving Forward – Мелинда Френч Гејтс
-Iron Hope: Lessons Learned from Conquering the Impossible –Џејмс Лоренс
-The Tell: A Memoir – Ејми Грифин
-Coming of Age: How Technology and Entrepreneurship are Changing the Face of MENA – Нур Свид
-The Technological Republic: Hard Power, Soft Belief, and the Future of the West –Александар Карп и Николас Замиска
-Inevitable: Inside the Messy, Unstoppable Transition to Electric Vehicles – Мајк Колијас
-Raising AI: An Essential Guide to Parenting Our Future – Де Кај
-MirrorMirror: The Reflective Surface in Contemporary Art – Мајкл Петри
-The Fricks Collect: An American Family and the Evolution of Taste in the Gilded Age – Иан Вордропер
-Mars: Photographs from the NASA Archives – Ники Џовани, Џејмс Л. Грин, Емили Лагдавала, Роб Мениг и Маргарет А. Вејтекамп
-Living with Flowers – Ерин Лаудер
-The Values Compass: What 101 Countries Teach Us About Purpose, Life, and Leadership – Мандип Раи
-Economic Spotlight: Our Dollar, Your Problem: An Insider’s View of the Seven Turbulent Decades of Global Finance, and the Road Ahead – Кенет Рогоф.
(BIZLife)
(фото: Flickr)
