Во Источните Кариби пасошите сè повеќе се нудат заедно со луксузни недвижности. Пет островски земји – Антигва и Барбуда, Доминика, Гренада, Свети Китс и Невис и Света Луција – нудат државјанство преку инвестиции, најчесто во недвижности вредни најмалку 200.000 долари.
Овие земји дозволуваат двојно државјанство, а нивните пасоши отвораат врата кон шш150 земји низ целиот свет без виза, вклучувајќи ги Шенген зоната и Обединетото Кралство (освен Доминика). Најголемиот број заинтересирани страни доаѓаат од Соединетите Американски Држави, каде што политичката и социјалната нестабилност ја зголемува побарувачката за таканаречениот „безбеден пасош“.
Инвеститорите се мотивирани не само од слободата на движење, туку и од даночните олеснувања – во многу случаи нема данок на капитална добивка, наследство, па дури и приход. Иако повеќето сопственици не планираат да се преселат, сè повеќе Американци купуваат недвижности со намера да имаат „План Б“.
Програмите се профитабилни за локалните економии, во некои случаи придонесувајќи до 30% од БДП, но тие предизвикаа меѓународна загриженост. ЕУ и САД предупредија за потенцијалот за перење пари и безбедносни закани. Како резултат на тоа, островите воведоа построги проверки, задолжителни интервјуа и заедничко надзорно тело.
(BBC/ Bizlife)
(фото: Colombia One)
