Качувањето по скали е едноставна вежба која согорува калории, го обликува телото и го подобрува здравјето на срцето. Освен што помага при губење на тежината, оваа навика ги зајакнува мускулите, ја подобрува кондицијата, ги зголемува нивоата на енергија, го зајакнува имунитетот, го штити здравјето на срцето и крвните садови, па дури може и да го продолжи животниот век.
Качувањето ги активира мускулите на нозете, бутовите, колковите и стомакот. Во просек, 30 минути качување може да согорат до 500 калории, во зависност од брзината и интензитетот. Побрзото качување значи поголема потрошувачка на калории, додека побавното качување користи помалку енергија.
За да изгубите околу 500 грама телесна тежина, треба да создадете калориски дефицит од 3.500 калории. Ако вежбате 30 минути секој ден, можете да ги забележите првите резултати по две до четири недели. Десет минути качување согоруваат во просек 100 калории – исто како 20 минути брзо одење.
Кратка активност од 5-10 минути помага во ублажување на стресот, ја зголемува концентрацијата и го подобрува расположението, што е особено корисно за оние кои седат подолги периоди на работа.
Студиите покажуваат дека животниот век се продолжува за 15 секунди за секој искачен кат. Само 20 минути качување дневно можат да додадат до три години на вашиот живот.
Редовното качување ја зголемува густината на коските и го зајакнува мускулно-скелетниот систем, што го намалува ризикот од остеопороза.
Оваа активност ја подобрува циркулацијата, го намалува ризикот од срцев удар и мозочен удар, а 10 минути качување дневно може да го намалат ризикот од мозочен удар до 30%.
За најдобри резултати се препорачуваат 15 минути дневно. Започнете со бавно темпо 2 минути, потоа забрзајте во следните 5 минути, направете пауза од 1 минута и повторно искачете се интензивно 5 минути. Забавете во последните 2 минути за да го смирите срцевиот ритам.
Загревање: Пред да започнете, загрејте ги зглобовите на рамото, колкот, коленото и глуждот.
Брзина и држење на телото: наведнете го телото малку напред, држете го ‘рбетот исправен, а градите отворени. Не прескокнувајте чекори ниту забрзувајте нагло за да ги заштитите колената.
Спуштање по скали: согорува помалку калории, но ги опушта мускулите и ги зајакнува нозете.
Комбинирајте вежби: додадете кревање на колената или склекови на наклон додека се качувате.
Истегнување: истегнете ги нозете, бутовите и стомакот по вежбањето.
Пијте доволно вода, носете удобна спортска облека и обувки со добра амортизација. Изберете добро осветлени и вентилирани скали. Луѓето со висок крвен притисок или проблеми со срцето треба да се консултираат со лекар. Престанете да вежбате ако чувствувате вртоглавица, болка или отежнато дишење.
(Bizlife)
(Pexels)
