ОПЕК+ го суспендира зголемувањето на производството до март

Организацијата на земјите извознички на нафта и нејзините партнери (ОПЕК+) одржаа онлајн состанок во неделата и одлучија да ја потврдат својата одлука од 2 ноември за суспендирање на зголемувањето на производството во првите три месеци од 2026 година „поради сезонски фактори“.
Во соопштението, осумте земји на ОПЕК+ објавија дека ќе ги следат и проценуваат пазарните услови и дека „1,65 милиони барели дневно може да се вратат делумно или целосно во зависност од развојот на пазарните услови и постепено“, објавува Баха.

Најавено е дека осумте земји ќе одржуваат месечни состаноци за „преглед на пазарните услови, усогласеност и компензација“. Следниот состанок е закажан за 4 јануари.

Фото – Pxfuel