Турското Министерство за одбрана објави дека започнала изградбата на првата домашна подморница MILDEN, како дел од напорите на земјата да ја намали зависноста од странски добавувачи и да ја подобри својата одбранбена индустрија.
Турција, исто така, ја заврши својата прва продажба на корвета на сојузник на НАТО со потпишување договор со Романија, објави Ројтерс.
Таа продажба ја овозможи државната компанија ASFAT, која работи под надлежност на Министерството за одбрана.
Претходно, започна работата на домашниот разорувач за воздушна одбрана TF-2000, кој ќе биде дел од планираниот повеќеслоен систем „Челична купола“.
Првиот блок на разорувачот се гради во бродоградилиштето во Истанбул, додека првиот тест блок на подморницата MILDEN се гради во бродоградилиштето Голзук.
(B92)
Фото – Wikimedia
