Пет месеци по нивната раскошна свадба во Венеција, Лорен Санчез и нејзиниот сопруг, милијардерот Џеф Безос, објавија голема донација. Поранешната новинарка објави дека двојката ќе донира 102,5 милиони долари (88 милиони евра) на 32 непрофитни организации низ САД кои се борат против бездомништвото, а средствата ќе одат преку Фондот за семејства „Ден еден“ на Безос, кој тој го основал во 2018 година.
Лорен ја објави веста во емисијата „Добро утро, Америка“. „Можеме да дадеме над 100 милиони долари оваа година, тоа многу им значи на луѓето“, рече таа, додавајќи дека донациите ќе им помогнат на семејствата да се движат во вистинската насока.
„Ќе продолжиме да го правиме тоа. Имаме неверојатна група советници на терен, тие знаат што им треба на заедниците. Можевме да им дадеме на сите 50 држави и тие навистина ни кажуваат што им треба на места како што е непрофитната организација „Заедница на надежта“ со седиште во Вашингтон.“ вели таа.
Лорен се омажи за Џеф Безос во јуни, а на свадбата присуствуваа стотици познати гости, вклучувајќи го семејството Кардашијан-Џенер, Опра Винфри и Бил Гејтс.
(Bizlife)
