Претседателката на Европската комисија, Урсула фон дер Лајен, во четвртокот предупреди на последиците од неконтролираната употреба на вештачка интелигенција (AI) за „вработување и отпуштање“ на работници.
Говорејќи на 15-тиот конгрес на Европската конфедерација на синдикати, Фон дер Лајен ги претставуваше плановите на ЕУ за регулирање на системите за вештачка интелигенција.
Таа рече дека во моментов 25 отсто од европските компании планираат да користат алатки за вештачка интелигенција во управувањето со човечките ресурси, а некои од овие алатки би можеле да се користат за автоматизирани отпуштања.
„Секој алгоритам е дизајниран од програмер и тука се користат искуството и предрасудите. Затоа, ниту еден од алгоритмите не е без предрасуди“, рече таа и додаде дека затоа треба јасно да се каже дека никој не треба да биде отпуштен поради алгоритмот.
„Ни требаат јасни правила“, нагласи Фон дер Лајен.
Фон дер Лајен подвлече дека Европската комисија го следи развојот на настаните и може да преземе дополнителни чекори во регулирањето на употребата на алгоритми во управувањето со човечките ресурси.
(Denar.mk)
(фото: Flickr)
