Србија во следните три години ќе добие нови 600 мегавати обновлива енергија. Ова е резултатот од првата аукција во Србија и најголемата во регионот за вакви проекти, на која конкурираа домашни и странски инвеститори.
Голема е конкуренцијата за изградба на нови ветерни електрани, а засега има послаба понуда за капацитети за соларна енергија. На првите аукции за распределба на пазарните премии за обновливи извори на енергија, инвеститорите понудија речиси 1,3 милијарди евра инвестиции во ветерна и сончева енергија, и банкарски гаранции за нивна реализација.
„Добивме многу поволни цени, за поголем дел од капацитетите речиси двојно помалку од пазарните цени за струја и преку овие први аукции ќе го удвоиме капацитетот на нашата зелена енергија, во споредба со сега. Ќе генерираме инвестиции и во нашата земја“, вели министерот за рударство и енергетика.
Србија веќе има осум ветерни електрани со моќност од 398 мегавати, а два се во изградба. Овие аукции доведуваат до изградба на уште четири ветерни електрани во областа: Панчево, Ковина, Ковачица и Црни Врх и три помали соларни паркови во Књажевац, Лебан и Чуприа.
Извор – Енергетски портал
Фото – Pixnio
