Кина е најголемиот пазар на полупроводници во светот и продажбата на процесори во таа земја постојано расте. Иако САД и наметнаа санкции на Кина за да не користи западна технологија во своите уреди и компјутери кои се продаваат низ светот, таа земја успешно се справува и со „шверцот“ на чипови преку трети земји, но сè повеќе и со развивање сопствена полупроводничка технологија.
Според јапонскиот берзански индекс Nikkei, Кина инвестирала неверојатни 25 милијарди долари во опрема за производство на чипови само во првата половина од оваа година, што е повеќе од Тајван, Јужна Кореја и САД заедно.
Со ова Кина сака дополнително да ја намали зависноста од странски доставувачи и да го зголеми сопственото производство со цел да ги задоволи потребите на корисниците на сопствениот пазар, но и да се подготви за извоз на други пазари.
Се очекува целата кинеска инвестиција во 2024 година да надмине 50 милијарди долари, кои, меѓу другото, ќе бидат потрошени за изградба на повеќе од десет нови фабрики, кои ќе бидат пуштени во употреба во текот на оваа година.
Иако многумина веруваат дека кинеските чипови сè уште заостануваат зад оние од САД, Кореја и Тајван во однос на нивните перформанси, за очекување е нивниот квалитет значително да се зголеми поради овие големи инвестиции.
(Vidi.hr)
(фото: Pixnio)
