Конвенцијата на Советот на Европа за вештачка интелигенција, која се занимава со човековите права, демократијата и владеењето на правото, беше составена од Комитетот за вештачка интелигенција (CAI). Се очекува САД, Велика Британија и Европската унија да го потпишат својот прв меѓународен и правно обврзувачки договор за употреба на вештачка интелигенција, објави во четвртокот британскиот дневен весник „Фајненшл тајмс“.
Тројката ќе ја потпише конвенцијата на Советот на Европа за вештачка интелигенција во четврток, објави весникот, додавајќи дека конвенцијата е подготвена во текот на две години од повеќе од 50 земји, вклучувајќи ги Канада, Израел, Јапонија и Австралија.
САД се посветени на обезбедување дека технологиите за вештачка интелигенција ги почитуваат човековите права и демократските вредности и ја истакнуваат клучната додадена вредност на Советот на Европа во оваа област, изјави висок претставник на администрацијата на американскиот претседател Џо Бајден.
Тоа е првиот (договор) со правна тежина на глобално ниво, а исто така обединува многу различни земји, рече британскиот министер за технологија.
Конвенцијата на Советот на Европа за вештачка интелигенција, која се занимава со човековите права, демократијата и владеењето на правото, беше составена од Комитетот за вештачка интелигенција (CAI). ЦАИ ја финализираше нацрт-конвенцијата во март. После тоа, конвенцијата беше усвоена од Комитетот на министри на Советот на Европа на 17 мај, а од 5 септември ќе може да се потпише во Вилнус.
Фото – Wikimedia
