Швајцарски научници создадоа ултра кратки ласерски импулси кои можат да достигнат моќност до 100 мегавати, што претставува значителна пресвртница во ласерската технологија. Овие импулси, кои траат помалку од една пикосекунда, можат да испорачаат доволно енергија за моментално стартување, на пример, на 100.000 правосмукалки со еден пулс.
Дури и нивната просечна постигната излезна моќност од 550 вати ги надминува претходните експериментални резултати за повеќе од 50%. Тимот од Федералниот институт за технологија Цирих (ETH Zurich) ги истакнува многуте потенцијални апликации на оваа нова револуционерна технологија, вклучувајќи мерења со висока прецизност, следење и напредни процеси на обработка. Овој рекорд е резултат на долго и возбудливо патување со многу интересна ласерска физика, нагласи Урсула Келер, физичар од ETH.
Ова достигнување на швајцарските научници се баазира на ласери на дискови со краток импулс, кои користат ултра тенки дискови со вградени кристали кои содржат итербиум (мек, сребрено-бел метал). Нивниот иновативен дизајн се одликува со рафинирана „реплицирачка празнина“ која ја засилува ласерската светлина додека одржува стабилност. Друга клучна иновација е Полупроводничкото заситено апсорберско огледало (SESAM), коп го обликува ласерот во интензивни кратки импулси. Тимот ја подобри таа компонента со инкорпорирање на тенок прозорец од сафир.
Традиционално, засилувањето на ласерската светлина бара повеќе енергија и поголеми уреди надвор од самиот ласер. Спротивно на тоа, оваа нова технологија е и компактна и ефикасна. Импулсите на моќ споредливи со оние што сега ги постигнавме досега можеа да се постигнат само со испраќање послаби ласерски импулси преку неколку одделни засилувачи надвор од ласерот, објаснува физичарот Мориц Зајдел.
Импликациите на оваа технологија се огромни. Потенцијалните апликации вклучуваат чешли за фреквенција за ултра прецизни часовници, зголемување на точноста на мерењето на времето и неинвазивно тестирање на материјали за можни дефекти. Научниците го гледаат ова ново достигнување како само почеток на она што може да го понуди подобрената ласерска технологија.
Истражувањето поврзано со ова достигнување во ласерската технологија е објавено во списанието Optica.
(Science Alert)
(фото: Pexels)
