Знаеме дека празниците се тука кога ќе ја видиме познатата реклама за Coca-Cola на телевизија. Традиционално, Coca Cola објавува нова реклама во пресрет накразниците со Дедо Мраз, поларни мечки, црвен камион, многу емоции и – шише кока-кола. Иако секоја година рекламата по малку се менуваше, овој пат компанијата направи драстичен пресврт и целата реклама ја направи со помош на Цoca-Cola интелигенција.
Рекламата сè уште го прикажува препознатливиот камион на Coca-Cola украсен со светла, но оваа година таа и другите сцени се создадени со помош на вештачка интелигенција.
За прв пат емитувана во 1995 година, рекламата ги прикажува црвените камиони за испорака на гигантот за безалкохолни пијалaци со светли украси кои вршат празнични испораки низ снежниот пејзаж. Новата реклама е направена исклучиво со користење на вештачка интелигенција, што значи дека актерите не се вистински луѓе и ниту една снимка не е снимена на локација.
Од оригиналот пред речиси 30 години, годишната реклама на Coca-Cola, „Празници се ближат“ користеше актери од реалниот живот и камиони тешки два тона украсени со божиќни светилки.
Но, овогодинешната реклама е развиена исклучиво со користење на вештачка интелигенција, што значи дека секој елемент што го гледаме е производ на „фантазијата“ на машината.
Според извештаите на медиумите, три студиа за вештачка интелигенција – Secret Level, Silverside AI и Wild Card – се одговорни за огласот. Хавиер Меза, главен маркетинг-менаџер на Coca-Cola во Европа, рече дека тие сакаат да бидат во чекор со модерното време.
„Ние не започнавме со зборовите: „Во ред, мораме да го направиме ова со вештачка интелигенција. Тоа е доказ за посветеноста на Coca-Cola да ги прифати иновациите, да ја искористи нашата соработка со врвни креативни и технолошки партнери, додека остануваме верни на нашите основни вредности – ширење среќа и создавање вистинска магија“, рече тој.
Додека историјата на празничното рекламирање ги опфаќа само последните 30 години, Дедо Мраз се појавува во рекламите на Coca-Cola уште од 1920-тите. Сепак, тотален урбан мит е дека Coca-Cola ја создала легендата за Дедо Мраз, како што е гласината дека Coca-Cola го направила Дедо Мраз црвен, бидејќи пред да се создаде Coca-Cola во 1886 година, Дедо Мраз се појавил на бројни илустрации и книги. во црвено палто.
(Bilzife)
(фото: Flickr)
