Постои можност нуклеарното оружје да се користи за одбрана на Земјата од астероидот 2024 IR4, кој се очекува да ја помине орбитата на Земјата во декември 2032 година. Астрономот Дејвид Вајтхаус изјави дека нуклеарното оружје потенцијално би можело да биде испратено во вселената за да се одврати астероид кој потоа ќе се упати кон Земјата.
Тој рече дека мерката би можела да се користи против вселенска карпа со големина на фудбалско игралиште, која ја надгледува Европската вселенска агенција (ЕСА), и која би можела да ја погоди планетата за нешто повеќе од седум години. Астероидот, наречен 2024 IR4, со димензии 100 на 40 метри, моментално се наоѓа на оддалеченост од околу 43,4 милиони километри од Земјата и се оддалечува, но неговата траекторија ќе ја премине Земјината орбита на 22 декември 2032 година.
Првично се проценуваше дека има 1:83 шанси за директен удар, но Вајтхаус вели дека шансата астероидот да се судри со Земјата сега е 1:67, што според него е неприфатливо да се игнорира. За споредба, астрономот рече дека шансата за победа на лотаријата 1:14.000.000.
„Мислам дека ова навистина има потенцијал да биде многу сериозно. Затоа треба внимателно да го следиме овој објект, бидејќи може да испадне дека е најопасното нешто во вселената“, додаде тој.
Советодавната група за планирање на вселенската мисија, со која претседава Еевропската вселенска агенција, ќе разговара за најновите набљудувања на астероиди на состанокот во Виена следната недела. Доколку се потврди ризикот од удар, таа ќе даде официјални препораки до Обединетите нации и може да започне работата на опции за одговор заснован на вселенски летала на потенцијалната опасност, се вели во соопштението на агенцијата.
Астероидот 2024 IR4 беше забележан со автоматизиран телескоп во Чиле на 27 декември минатата година. Оттогаш се искачи на врвот на листата со потенцијални удари на Земјата, што ја одржуваат американските и европските вселенски агенции.
(021)
(фото: Flickr)
