Расте загриженоста за ризиците по здравјето на луѓето од ширењето на микропластиката. Наскоро, повеќе од 600.000 тони пластичен отпад од Coca-Cola ќе ги загадуваат светските океани и водeни патишта секоја година, според новата анализа објавена во средата од непрофитната организација Оcеаnа.
Тоа е доволнo пластика за да се наполни стомакот на 18 милиони китови. Извештајот е објавен во контекст на зголемената загриженост за ризиците по здравјето на луѓето од ширењето на микропластиката, која научниците се повеќе ја поврзуваат со рак, неплодност, срцеви заболувања и други болести.
Coca-Cola е убедливо најголемиот производител и продавач на пијалоци во светот, рече Мет Литлџон, кој ги води кампањите на Oceana насочени кон корпоративните загадувачи. Затоа Coca-Cola има главен збор кога станува збор за влијанието на микропластиката врз океаните, објаснува Литлџон.
Според студијата од 2024 година, објавена во списанието Science Advances, Coca-Cola е водечки светски загадувач на брендирана пластика, проследена со PepsiCo, Nestle, Danone и производителот на тутун Altria.
Проценката на Oceana се заснова на јавно обелоденетите податоци за пакувањето на Coca-Cola од 2018 до 2023 година, во комбинација со прогнозите за раст на продажбата, како што е вообичаено.
Се предвидува дека Coca-Cola ќе користи 4,13 милиони тони пластика годишно до 2030 година. За да проценат колку од оваа пластика ќе заврши во водeните екосистеми, истражувачите примениле рецензирана метода развиена од меѓународен тим на научници, објавена во академското списание Science 2020. Тие дошле до проценка од 602.000 тони пластика во водите во светот, што е еквивалент на речиси 220 милијарди шишиња од половина литар.
Решението за намалување на оваа неверојатна бројка лежи во враќањето на пакувањето за повеќекратна употреба, било во форма на повратни стаклени шишиња, кои можат повторно да се користат 50 пати, или во подебели ПЕТ пластични шишиња, наменети за 25 намени, тврди Oceana.
Во 2022 година Coca-Cola призна дека пакувањето за повеќекратна употреба е меѓу најефикасните начини за намалување на отпадот и вети дека до 2030 година таквото пакување ќе сочинува четвртина од нивните производи.
Но, тоа ветување беше тивко отфрлено во најновиот план за одржливост од декември 2024 година. Новите цели на компанијата, наместо тоа, се фокусираат на зголемување на рециклирана содржина во пакувањето и зголемување на стапките на собирање.
Заштитниците на животната средина долго време предупредуваат на преголемиот акцент на рециклирањето, тврдејќи дека тоа често служи за префрлање на вината врз потрошувачите наместо да се решат причините за кризата.
“Рециклирањето е одлично, не ме сфаќајте погрешно. Но, ако сакате да користите рециклирана пластика за да произведете повеќе пластика за еднократна употреба, тогаш тоа е проблем.
Производството на пластика се базира на нафта, што ја прави корпоративната употреба на пластика директен двигател на климатските промени.
Сепак, има причина за надеж. Всушност, Coca-Cola веќе работи со големи системи за полнење во неколку земји, вклучувајќи ги Бразил, Германија, Нигерија, па дури и делови од САД, како што е Јужен Тексас.
Тие ја имаат најголемата инфраструктура за амбалажа за повеќекратна употреба од која било друга компанија за пијалоци и имаат способност да го развијат тоа и да го покажат патот на остатокот од индустријата, рече Литлџон.
(Zimo)
(фото: Free Malaysia Today)
