Според најновите податоци на Евростат за четвртиот квартал од 2024 година, Грција продолжува да води како најзадолжена членка на Европската унија, со удел во консолидираниот долг на општата влада од дури 153,6 отсто од БДП.
Следува Италија со 135,3 отсто и Франција со 113,1 отсто. Белгија (104,7%) и Шпанија (101,8%) исто така забележаа повеќе од 100 проценти од долгот во однос на БДП.
Во горната половина од рангирањето се и Португалија (94,9%), Финска (82,1%) и Австрија (81,8%), додека просечната задолженост на ниво на Европската унија е 81,0 отсто. Хрватска е малку под средината, со коефициент на долг од 57,6 отсто од БДП, што е помалку од просекот, но сепак значително над бројките во најштедливите земји-членки.
Најмалку задолжени земји се Естонија (23,6%), Бугарија (24,1%) и Луксембург (26,3%), додека меѓу финансиски постабилните според овој критериум, сепак предничат Данска (31,1%) и Шведска (33,5%).
Податоците укажуваат на силни разлики меѓу земјите-членки, што и понатаму останува предизвик за фискалната политика и стабилност во рамките на еврозоната и пошироката Европска унија.
Фото – Needpix
