Европската унија конечно одлучи да го регулира прашањето за постарите возачи и нивното право да возат автомобили. Согласно новоусвоените правила, предвидено е воведување единствена дигитална возачка дозвола, која ќе важи во сите земји членки на ЕУ. Одлучено е и секоја возачка дозвола да има рок на важност од 15 години.
Што се случува кога ќе истече лиценцата? До 2033 година сите возачи во Европската унија ќе имаат возачка дозвола со важност од 15 години. Веќе во 2028 година ќе почнат да истекуваат дозволите издадени во 2013 година и се поставува прашањето: што ги чека возачите кога ќе им истечат дозволите?
Европската унија не пропишала задолжителни лекарски прегледи за обновување на лиценцата – таа одлука ја остава на секоја земја-членка поединечно. Затоа, секоја држава сама ќе одлучи дали ќе бидат потребни лекарски прегледи или дали изјавата на возачот дека се чувствува способен за возење ќе биде доволна.
Со предложената нова регулатива се предвидува можност (па дури и обврска) матичните лекари да ги пријавуваат до надлежните органи пациентите чија здравствена состојба може да претставува опасност во сообраќајот. Се уште не се знае каква точна одлука ќе донесат земјите, ниту дали лекарските прегледи ќе бидат задолжителни при обновување на возачките дозволи.
За време на преговорите со ЕУ, идејата за ограничување на возачките дозволи за лица над 70 на само 5 години важност беше отфрлена. Покрај сето ова, новите правила воведуваат и построги ограничувања за младите возачи – во првите две години по добивањето на дозволата тие ќе подлежат на построги сообраќајни правила, вклучително и помали ограничувања на брзината.
(Kamatica)
(фото: Free Malaysia Today)
