Со цел да се олесни преминот кон дигитален систем за микро и мали претприемачи, ќе се формира бесплатна апликација за издавање е-фактури во Хрватска.
Новиот закон за фискализација предвидува постепено воведување на обврската за издавање електронски фактури (еФактури) од 1 јануари 2026 година, со што треба да се спречи кружната даночна измама, беше истакнато во вторник на расправата во хрватскиот Сабор.
Од 1 јануари 2026 година хартиената фактура постепено ќе се заменува со е-фактура, а целосната имплементација на е-фактурата ќе биде од 1 јануари 2027 година, изјави државниот секретар во Министерството за финансии, Стипе Жупан, презентирајќи го предлог-законот.
Обврската за издавање е-фактури од почетокот на 2027 година ќе се воведе за компаниите, претприемачите, хонорарците, органите на државната управа, локалните единици, како и за буџетските и вонбуџетските корисници кои не се во системот за ДДВ, рече тој.
Ова, посочува, ќе обезбеди голем број поволности за даночните обврзници, ќе го намали бројот на даночни обрасци, ќе го олесни даночното сметководство, ќе придонесе за заштита на животната средина со користење на дигитални наместо хартиени фактури, ќе ги намали трошоците за печатење, поштарина, архивирање и ќе го забрза деловното работење.
(Kamatica)
(фото: Flickr)
