Првиот комерцијален мал модуларен нуклеарен реактор во Кина, Linglong-1, сега е во последната фаза на инсталација. Сместен во провинцијата Хаинан на локацијата Хаинан Nuclear Power Co. Ltd. (HNPC), Linglong-1 се развива од страна на Кинеската национална нуклеарна корпорација (CNNC).
Tој е првиот копнеен мал модуларен реактор (SMR) во светот што започнува со изградба и се очекува да игра клучна улога во намалувањето на емисиите на јаглерод во Кина. Linglong-1, исто така познат како ACP100, е трета генерација на мал реактор за вода под притисок.
Тој беше целосно развиен во Кина и има независни права на интелектуална сопственост. Во 2016 година тoj стана првиот SMR во светот што успешно поминал безбедносен преглед од страна на Меѓународната агенција за атомска енергија (МААЕ).
Поради големината и способноста да испорачува енергија безбедно и стабилно, го нарекуваат „банка за нуклеарна енергија“.
Реакторот е дел од 14-тиот петгодишен план на Кина (2021-2025), фокусиран на напредната нуклеарна технологија.
Малите модуларни реактори како Linglong-1 се разликуваат од традиционалните нуклеарни централи. Тие се помали, побезбедни и побрзо се градат. Овие реактори користат пасивни безбедносни системи, што значи дека можат безбедно да се исклучат без човечко дејство или моќ. Нивната помала големина им овозможува да се користат на многу локации, вклучувајќи индустриски паркови, рударски области и региони кои користат многу енергија.
Секој реактор Linglong-1 може да произведе 125.000 киловати електрична енергија. Тој собира до 1 милијарда киловат-часови годишно, доволно за напојување на околу 526.000 домови или околу 1 милион луѓе. Со замена на енергијата базирана на јаглен со нуклеарна енергија од Linglong-1, Кина може да ги намали емисиите на јаглерод диоксид за околу 880.000 тони секоја година. Ова е еднакво на засадување 7,5 милиони дрвја.
(Interesting Engineering)
(дото: YouTube)
