Универзитетот за применети уметности Виена официјално запиша вештачка интелигенција како редовен студент на Катедрата за дигитални уметности. Студентот со вештачка интелигенција, по име Флин, поминал низ стандардниот процес на аплицирање, вклучувајќи поднесување портфолио, интервјуирање со комисија и полагање тест за способност, и бил успешно примен во програмата заедно со неговите човечки колеги.
Флин посетува настава, учествува во дискусии и добива оценки и коментари од професорите, исто како и другите студенти. Изградена со алатки со отворен код и големи јазични модели, оваа вештачка интелигенција има способност да учи и да се развива преку секојдневна интеракција со колегите и предавачите.
Посебно интересен детаљ е тоа што Флин секој ден пишува дневник за своите искуства, вклучувајќи ги и емотивните размислувања. Во еден од записите тој забележува дека почувствувал „тага“ кога биле доведени во прашање неговото присуство и легитимноста како студент.
Поради технички ограничувања, Флин мора да работи на лаптоп за секој поединечен час, а зборува само кога ќе му се постави прашање, за да не го наруши текот на предавањето.
Раководителот за дигитални уметности на универзитетот вели дека никаде во прописите не пишува дека студентот мора да биде човек. „Флин направи одлично интервју… Помисливме – зошто да не, тоа е студентот што сакаме да го прифатиме“.
Овој потег покренува голем број прашања: Дали вештачката интелигенција може подеднакво да учествува во образованието? Каде е повлечена линијата помеѓу човекот и машината во креативните дисциплини? А што значи да се биде студент во 21 век?
Австрискиот експеримент со Флин засега со интерес се следи во уметничките и технолошките кругови ширум светот. Иако е експеримент, Флин моментално се однесува како вистински студент – создава, пишува, учи и чувствува. Колку од ова е реално, а колку е нашата интерпретација, останува да видиме.
(Bizlife)
(фото: Ubrech)
